Verevekuéra
From Wikipedia, the free encyclopedia
Verevekuéra (Vereve ñe'ẽme: ⵎⵣⵗ / ⴰⵎⴰⵣⵉⵖ, amazigh térã ⵎⵣⵗⵏ / ⵉⵎⴰⵣⵉⵖⴻⵏ, imazighen) ha'e avakuéra oiko hetaite te'ýi ha avano'õ tee Yvate Áfrikape, upe yvy pehẽngue hérava Mageréve. Oiko paraguasu Atlántiko guive Ehípto ipehẽngue kuarahyreikégua meve; ha para Yvy mbytépe guive Saára ipaha peve. Karaikuéra Európagua oguahẽ mboyve umi Canarias Ypa'ũme, oiko avei upépe verevekuéra.[1][2] Vereve ñe'ẽnguéra, tamazight, ha'e opa umi ñe'ẽ tapichakuéra vereve oñe'ẽva ymaguare guive.
Ko ñe'ẽ Vereve ou upe ñe'ẽngue áraveñe'ẽme barbr ojeipyhy akue gyrésiañe'ẽgui βάρβαρος (ava sagua'a), verevekuéra ojehero imazighen he'iséva 'ava sã'ỹ'.[3][4]