Tembi'uguapy
oñemongu'ívo tembi'u ñande py'ápe / From Wikipedia, the free encyclopedia
Tembi'uguapy ha'e oñemongu'ívo tembi'u yvypóra ha mymba py'ápe. Tembi'u oñemongu'i ojehe'ávo ýre ha umi ensíma reheve.[1]
Upéicha oiko tembi'uguapy:
- Tembi'u oike ñande py'ápe ha upépe oñemongu'i, upéicha ikatu oipuru chupekuéra umi ensíma (peteĩ molécula proteína-gui ijapopyréva oĩva umi tekoveapỹime ha omba'apóva ñemoambue kímiko mbopya'eveha ramo).
- Umi ensíma omongu'ive tembi'u ha ojapo chugui mba'e yvypóra rete ikatu oipuru, ha'éva molécula.
- Umi molécula-gui oiko nutriente ñande rete oipurúva oñemongaru hag̃ua, ha umíva oike ñande ruguy syryhápe oho hag̃ua ígadope.
- Tembi'u ku'i ñande py'ápe ndojepuruvéiva oho ñande ryekuépe osẽ meve.
Tembi'uguapy jepivénte hi'are 18 aravo oñemohu'ãmba hag̃ua ha tembi'u opyta ñande py'ápe amo mbohapy aravo pukukuévo.[2] Oĩramo jepe tembi'u hasyvéva ñande py'ápe omongu'i hag̃ua, upéicha heta tembi'u ambuéva ha pohã ñana oipytyvõva oñemboguapy porã hag̃ua tembi'u. Opa umi yvypóra rete pehẽngue omboguapýva tembi'u ojehero "ypykatu tembi'uguapyha".