FIFA Tembiesarái Yvypavẽ 2018
From Wikipedia, the free encyclopedia
FIFA Tembiesarái Yvypavẽ 2018 (Rrusiañe'ẽme: Чемпионат мира по футболу Россия 2018) ha'ékuri upe 21ha vakapipopo rembiesarái guasu kuimba'e rehegua heta tetã oha'ãva, pe Vakapipopo Tembiesarái Yvypavẽ ojapóva FIFA irundy-rundy arýpe. Ko tembiesarái ojejapo ára 14 jasypoteĩ guive ára 15 jasypokõi meve ary 2018-pe amo Rrúsia retãme, tetã poravopyre ombosako'i hag̃ua ko tembiesarái ára 2 jasypakõi ary 2010 guive.[1]
Vakapipopo Ñembosarái XXI Rrusia 2018 | |
Чемпионат мира по футболу Россия 2018 (Chempionat mira po futbolu Rossiya 2018) | |
Estadio Olímpico Luzhnikí Táva Mosku-pe. | |
Estadio Olímpico Luzhnikí Táva Mosku-pe. | |
Tetã | Rrúsia |
Arange | 14 jasypoteĩ 2018 15 jasypokõi 2018 |
Oñeha'ãva | 32 |
Podio • Campeón • Subcampeón • Tercer lugar • Cuarto lugar |
Hyãsia Kyoásia Véyhika Ingyaterra |
Partidos | 64 |
Goles anotados | 169 |
Goleador | Harry Kane (6 goles) |
Balón de Oro | Luka Modrić |
Mejor jugador joven | Kylian Mbappé |
Guante de Oro | Thibaut Courtois |
Premio juego limpio | Epáña |
Kóva hína jey 11ha ojejapo ko tembiesarái Európa-pe, ha jey peteĩha ojejapo Kuarahyresẽ Európa-pe. Jey peteĩha avei ojejapóva mokõi yvyrusúpe: Europa ha Ásia, ko táva Ekaterimburgo, peteĩ umi távagui iporavopyre, oĩ Rrúsia yvy apekue Ásia-pe.[2]
Hepykue oñeimo'ã ohypyty amo 14 200 sua dólar, upéicha hína upe Vakapipopo Tembiesarái Yvypavẽ hepyvéva ojejapo hag̃ua.[3]
Tetã Hyãsia aty ipu'aka, ñeha'ã pahague ipu'aka 4-2 Kyoasia rehe —ko tetã aty jey peteĩha oguahẽkuri vakapipopo rembiesarái ñeha'ã pahápe— upéicha ko tetã ipu'aka jey mokõiha ohasa rire 20 ary (Tembiesarái 1998 arýgui ipu'aka jey peteĩha).