Telegrafía
From Wikipedia, the free encyclopedia
A telegrafía (do grego τῆλε tele, "distancia", e γράφειν graphein, "escribir") é a transmisión a longa distancia de mensaxes escritas, sen o transporte físico das letras que compoñen a mensaxe.
Para outras páxinas con títulos homónimos véxase: Telégrafo.
Os primeiros sistemas telegráficos foron ópticos, utilizando sinais remotos, como os sinais de fume ou os sistemas de semáforos máis sofisticados de Chappe. No século XIX aparece o telégrafo eléctrico, en que a transmisión se fai mediante impulsos eléctricos a través dun cable e logo a telegrafía sen fíos, que usa a radio.
Nun sentido xeral, o termo "telegrafía" tamén inclúe as formas máis modernas de transmisión de información, como o fax, o correo electrónico e as redes informáticas en xeral.