Dinastía Paleólogo
From Wikipedia, the free encyclopedia
A familia Paleólogo (en grego: Παλαιολογος, pl. Παλαιολογοι) foi a última dinastía reinante no Imperio bizantino. Trala Cuarta Cruzada, varios membros da familia fuxiron a Nicea onde se fixeron cun imperio no exilio na devandita cidade. Miguel VIII Paleólogo converteuse en emperador en 1259 e reconquistou Constantinopla en 1261. Os descendentes de Miguel VIII reinaron ata a caída de Constantinopla en 1453, a dinastía máis lonxeva na historia bizantina.
O lema familiar era Basileus Basileon, Basileuon Basileuonton (“Rei de reis, que reina sobre os que reinan”). Debido aos seus enlaces matrimoniais con familias de Occidente, os Paleólogo foron a primeira familia imperial bizantina en utilizar escudo de armas ao modo occidental: usaron tanto a aguia imperial bicéfala en sabre sobre campo de ouro, como un campo de goles cunha cruz con catro “Bes” en ouro nos cuarteis.