Cadea de ósos do oído
From Wikipedia, the free encyclopedia
A cadea de ósos do oído ou osículos do oído (ossicula auditus, ossicula auditoria, TA) está formada por tres pequenos ósos situados na cavidade do oído medio, chamados martelo, bigornia e estribo, sostidos na súa posición por unha serie de ligamentos. Conectan a membrana timpánica coa ventá oval, transmitindo as vibracións sonoras desde o oído externo ao oído interno. Transforman a onda sonora que viaxa polo aire que enche o oído externo nunha onda no líquido da perilinfa que enche o oído interno. A ausencia ou mal funcionamento destes osículos orixina perdas de audición de moderadas a graves.
Para outras páxinas con títulos homónimos véxase: Cadea.