Basílica de Santo Isidoro de León
igrexa en León, España / From Wikipedia, the free encyclopedia
A real colexiata basílica de Santo Isidoro ou, simplemente, Santo Isidoro de León, é un templo cristián situado na cidade de León, en España. É un dos conxuntos arquitectónicos de estilo románico máis destacados de España, pola súa historia, arquitectura, escultura, e polos obxectos suntuarios románicos que se puideron conservar. Presenta a particularidade de ter un Panteón Real situado ós pés da igrexa, con pintura mural románica e capiteis orixinais, todo o cal fai que sexa peza única do mundo románico da época. O conxunto foi construído e engrandecido durante os séculos XI e XII.
Basílica de Santo Isidoro de León | |
---|---|
Datos xerais | |
País | España |
Tipo | Basílica |
Advocación | Santo Isidoro |
Localización | León, España |
Coordenadas | 42°36′03″N 5°34′15″O |
Catalogación | RI-51-0000098 |
Culto | |
Culto | Católico |
Diocese | Diocese de León |
Arquitectura | |
Construción | século XI-século XII |
Estilo | Románico |
Páxina web | Museo de Santo Isidoro de León |
[ editar datos en Wikidata ] |
Na súa orixe foi un mosteiro dedicado a san Paio, aínda que se supón que anteriormente se asentaba nos seus cimentos un templo romano. Co traslado dos restos de santo Isidoro, bispo de Sevilla (doutor das Españas), a León, cambiouse a titularidade do templo.
O edificio da igrexa conserva algúns vestixios románicos da primeira construción de Fernando I e Sancha. O panteón e as dúas portas da súa fachada sur, chamadas Porta do Cordeiro e Porta do Perdón, máis a Porta Norte ou Capitular, son as primeiras manifestacións da arte románica nos territorios leoneses. Co transcurso do tempo fixéronse modificacións e engadidos góticos, renacentistas e barrocos.
É Monumento Histórico Artístico desde o 9 de febreiro de 1910.[1]