Aeroporto de París-Charles de Gaulle
aeroporto preto de París / From Wikipedia, the free encyclopedia
O Aeroporto de París–Charles de Gaulle (en francés: Aéroport de Paris-Charles-de-Gaulle) (IATA: CDG, OACI: LFPG), tamén coñecido por Aeroporto de Roissy, é un dos principais centros de aviación do mundo, así como o aeroporto máis grande de Francia. Leva o nome de Charles de Gaulle (1890–1970), líder das Forzas Francesas Libres e fundador da Quinta República Francesa, así como Presidente de Francia de 1959 a 1969. O aeroporto atópase dentro dos límites de varias comunas, a 25 km ao nordeste de París. O aeroporto serve como o principal hub de Air France.
Aeroporto de París–Charles de Gaulle Aéroport de Paris-Charles-de-Gaulle | |||
---|---|---|---|
Sumario | |||
Tipo | Público | ||
Cidade/Illa | París, Francia | ||
Localización | 25 km NE de París | ||
Elevación (msnm) | 119 metros / 392 pés | ||
Coordenadas | |||
Web | aeroportsdeparis.fr | ||
Pista(s) | |||
Dirección | Longo | Superficie | |
metros | pés | ||
08L/26R | 4 215 | 13 829 | asfalto |
08R/26L | 2 700 | 8 858 | formigón |
09L/27R | 2 700 | 8 858 | asfalto |
09R/27L | 4 200 | 13 780 | asfalto |
Estatísticas (2016) | |||
Pasaxeiros | 65 933 145 | ||
Movementos aeronaves | 472 950 | ||
En 2013, o aeroporto recibiu 62 052 917 pasaxeiros e 497 763 movementos de aeronaves,[1] polo que é o oitavo aeroporto máis ocupado do mundo e o segundo aeroporto con máis tráfico de Europa (despois de Londres–Heathrow) en pasaxeiros servidos. Tamén é o décimo aeroporto do mundo máis ocupado e o aeroporto de Europa con maior movemento de aeronaves. No tráfico de carga, é o oitavo aeroporto do mundo e o máis transitado de Europa, cun movemento de 2 150 950 toneladas métricas de carga en 2012.