The Hobbit: The Desolation of Smaug
From Wikipedia, the free encyclopedia
The Hobbit: The Desolation of Smaug is in Nijseelânsk-Amerikaanske fantasy-aventoerefilm út 2013 ûnder rezjy fan Peter Jackson, mei yn 'e haadrollen Martin Freeman, sir Ian McKellen en Richard Armitage. De film is basearre op it middelste part fan 'e roman The Hobbit, fan J.R.R. Tolkien út 1937, oanfolle mei ynformaasje út 'e taheakken by syn lettere wurk The Lord of the Rings en eleminten dy't de filmmakkers sels optocht hawwe. De titel betsjut "De Hobbit: De Woastenije fan Smaug". It is it ferfolch op The Hobbit: An Unexpected Journey, út 2012, en it twadde diel fan 'e filmtrilogy The Hobbit, dy't sels wer in prequel foarmet fan Jackson syn eardere filmtrilogy The Lord of the Rings.
The Hobbit: The Desolation of Smaug | ||
film | ||
(Filmposter yn 'e Ingelske Wikipedy) | ||
makkers | ||
regisseur | Peter Jackson | |
produsint | Carolynne Cunningham Zane Weiner Fran Walsh Peter Jackson | |
senario | Fran Walsh Philippa Boyens Peter Jackson Guillermo del Toro | |
basearre op | The Hobbit fan J.R.R. Tolkien | |
kamerarezjy | Andrew Lesnie | |
muzyk | Howard Shore | |
filmstudio | New Line Cinema Metro-Goldwyn-Mayer WingNut Films | |
distribúsje | Warner Bros. | |
spilers | ||
haadrollen | Martin Freeman Ian McKellen Richard Armitage | |
byrollen | Ken Stott Evangeline Lilly Orlando Bloom Luke Evans Manu Bennett Aidan Turner Benedict Cumberbatch | |
skaaimerken | ||
lân/lannen | Nij-Seelân Feriene Steaten | |
premiêre | 2 desimber 2013 | |
foarm | langspylfilm | |
sjenre | fantasy-aventoerefilm | |
taal | Ingelsk (ek wat Quenya) | |
spyltiid | 161 minuten | |
budget en resultaten | ||
budget | $191,2 miljoen | |
opbringst | $960,4 miljoen | |
prizen | 2 × Empire Award 1 × Saturn Award | |
filmsearje | ||
filmsearje | The Hobbit | |
● foarich diel | The Hobbit: An Unexpected Journey | |
● folgjend diel | The Hobbit: The Battle of the Five Armies |
It ferhaal folget de aventoeren fan 'e hobbit Bilbo Baggins, dy't troch de tsjoender Gandalf behelle is yn 'e kweeste fan in trettjintal dwergen û.l.f. Thorin Ikeskyld om it âlde dwerchske keninkryk fan 'e Ienlike Berch te befrijen fan 'e draak Smaug. The Hobbit: The Desolation of Smaug krige foar it meastepart positive resinsjes fan 'e filmkritisy, en wie yn 'e bioskopen in ûnbidich kommersjeel súkses. De film waard nominearre foar trije Oscars en wûn ferskate oare prizen. It lêste diel fan 'e trilogy, The Hobbit: The Battle of the Five Armies, kaam út yn 2014.