Santa Fe (Nij-Meksiko)
From Wikipedia, the free encyclopedia
Santa Fe (Tewa: Ogha Po'oge; Navaho: Yootó) is de haadstêd fan 'e súdwestlike Amerikaanske steat Nij-Meksiko, en teffens it haadplak fan it omlizzende Santa Fe County. De stêd leit op in hichte fan goed 2.000 m yn it noarden fan 'e steat, net fier fan it berchtme de Sangre de Cristo Range, dat toppen fan boppe de 3.000 m hat. De namme is Spaansk foar "Hillich Leauwe", en de oarspronklike, folute namme wie by de stifting: La Villa Real de la Santa Fé de San Francisco de Asís ("De Keninklike Stêd fan it Hillich Leauwe fan Sint Fransiskus fan Asisy"). Dy stifting fûn plak yn 1607, en dêrmei is it de âldste fan alle tsjintwurdige steatshaadstêden fan 'e Feriene Steaten. Ek is Santa Fe it op twa nei âldste troch Jeropeeske kolonisten op it grûngebiet fan 'e Feriene Steaten stifte en noch altyd bewenne plak (it territoarium Porto Riko net meirekkene), nei St. Augustine, yn Floarida (1565) en Jamestown, yn Firginia (1607). Neffens gegevens fan 'e folkstelling fan 2010 hie Santa Fe doe likernôch 68.000 ynwenners, wylst it as stêdekloft, mei alle foarstêden derby, op in befolking fan sa'n 144.000 minsken útkaam.
Santa Fe | ||
Emblemen | ||
Polityk | ||
Lân | Feriene Steaten | |
Steat | Nij-Meksiko | |
County | Santa Fe County | |
Sifers | ||
Ynwennertal | 67.947 (2010) | |
Oerflak | 96,9 km² (ynkl. wetter) 96,7 km² (allinnich lân) | |
Befolkingsticht. | 744 / km² | |
Stêdekloft | 144.170 (2010) | |
Hichte | 2.134 m | |
Oar | ||
Stifting | 1607 | |
Tiidsône | UTC -7 | |
Simmertiid | UTC -6 | |
Koördinaten | 35°40′02″N 105°57′52″W | |
Offisjele webside | ||
www.santafenm.gov | ||
Kaart | ||
De lizzing fan Santa Fe yn Santa Fe County en yn 'e steat Nij-Meksiko. |