Isfahan
From Wikipedia, the free encyclopedia
Isfahan of Esfahan (Perzysk: اصفهان) is in stêd yn Iran; it is de tredde stêd fan it lân. De stêd leit sa’n 340 km besuden Teheran. Yn de Aldheid waard de stêd Aspadana neamd. It is ek de haadstêd fan de provinsje Isfahan.
Isfahan | ||
Polityk | ||
Lân | Iran | |
Provinsje | Isfahan | |
Distrikt | Sintraal | |
Sifers | ||
Ynwennertal | 1.583.609 (2006) | |
Oerflak | 106,179 km² | |
Stêdekloft | 3.430.353 ( 2006) | |
Hichte | 1590 m | |
Oar | ||
Tiidsône | IRST (UTC+3:30) | |
Simmertiid | 21maart - 20 September (?) (UTC+4:30) | |
Offisjele webside | ||
Offisjeel webstee Isfahan |
Isfahan leit yn in oaze op it Heechlân fan Iran oan de noardigge fan de rivier de Zayandeh Rud en leit oan wichtige grutte noard-súd en east-west diken yn Iran. It wie ien fan de wichtige stêden oan de siderûte mei in grutte karavaanseray.
Isfahan wie ea ien fan de grutste stêden fan de wrâld. It plak bloeide fral fan 1050 oant 1722, benammen yn 16e iuw ûnder de Safavid dynasty, doe’t it (foar de twadde kear) de haadstêd fan Perzje waard. Ek hjoed noch hat de stêd in soad fan syn eardere grandeur behâlden. It is ferneamd om syn Islamityske arsjitektuer, mei moaie bûlevaars, oerdutsen brêgen, paleizen, moskeeën en minaretten. Dat alles hat laat ta it Perzyske sprekwurd "Esfahān nesf-e jahān ast" ('Isfahan is de heale wrâld').
It Naghsh-e Jahan plein yn Isfahan is ien fan de grutste stedspleinen fan de wrâld en in skitterjend foarbyld fan Islamityske en Iraanske arsjitektuer. Dêrom is it opnaam yn de Wrâlderfgoedlist fan de UNESCO as in World Heritage Site. De stêd hat fierders noch in grut ferskaat oan histoaryske monuminten.