Bale tal zei
From Wikipedia, the free encyclopedia
La bale tal zei, o bale tal cos o basket (scurte da la peraule inglês basketball) al è un sport di scuadre inventât tal 1891 di James Naismith tai Stâts Unîts, dulà che al è considerât un dai sports nazionâi. Al è une vore popolâr in Europe e in nord Americhe. Vuê si lu zuie in dut al mont, e aromai i americans no son considerâts i plui fuarts, ancje se il campionât professionist american (NBA) al reste chel plui famôs e impuartant.