Txikipedia:Vilnius
From Wikipedia, the free encyclopedia
Vilnius Europako hiri bat da, bai eta Lituaniako hiriburua ere. Herrialde horretako hiririk handiena da eta, 2018ko hasierako datuen arabera, ia 550.000 biztanle ditu. Lituaniako gobernuaren eta legebiltzarraren egoitza da.
Bestalde, Vilniuseko biztanleen erdia baino ez da lituaniarra; gutxi gorabehera bostetik bat poloniarra, eta beste horrenbeste, aldiz, errusiarra.
Europako unibertsitaterik zaharrenetako bat dago hiri honetan, 1579an sortutakoa. Hiriko alde zaharra oso ondo kontserbatuta dago, eta, horri esker, UNESCOk Gizateriaren Ondasunen zerrendan sartu zuen.