Txikipedia:Ekialde
From Wikipedia, the free encyclopedia
Ekialdea, eguzkialdea edo sortaldea lau puntu kardinaletako bat da. Kardinal hitzak nagusi esan nahi du; beraz, zerumugako lau puntu nagusietako bat da, eguna argitzen duenean eguzkia ateratzen den aldeari dagokiona, zehazki.
Beste hirurak iparra edo iparraldea, hegoa edo hegoaldea, eta mendebalde edo sartaldea dira.
Lau puntu kardinalak irudikatzen direnean, haize-arrosa delakoan edo mapa batean, ekialdea eskuinaldean dagoena da, eta E batez markatuta egon ohi da, (ingelesezko East hitzagatik). Ekialdea mendebaldearen kontrako puntua da.