Chapo Guzmán
From Wikipedia, the free encyclopedia
Joaquín Archivaldo Guzmán Loera edo "El Chapo" Guzmán (La Tuna, Sinaloa, Mexiko; 1957ko apirilaren 4a) droga trafikatzaile eta kriminal mexikarra da, Sinaloako Karteleko burua izan zena. AEBtako Altxor Departamentuaren arabera, “El Chapo” munduko droga trafikatzaile boteretsuenetakoa da.[1] 2003ko martxoan, Osiel Cárdenas atxilotu ostean, Joaquín Guzmán Mexikoko droga-trafikatzaile nagusia bihurtu zen.[2] 1993an, Guatemalan harrapatu zuten eta Mexikora estraditatu zuten. Halere, 2001ko urtarrilean, Jaliscoko Puente Grande seguritate goreneko espetxetik ihes egin zuen. [3] 2001ko ihesaren ostean, FBIk eta Interpolek gehien bilatutako bigarren gizona bihurtu zen, Osama Bin Laden ondoren. 2014ko otsailaren 22an, Mexikoko lehendakariak, Enrique Peña Nietok, jakinarazi zuen Joaquín Guzmán harrapatu zutela.[4]
Chapo Guzmán | |
---|---|
Bizitza | |
Jaiotza | Badiraguato (en) , 1957ko apirilaren 4a (67 urte) |
Herrialdea | Mexiko |
Lehen hizkuntza | gaztelania |
Familia | |
Aita | apanyan |
Ama | María Consuelo Loera Pérez |
Ezkontidea(k) | Griselda López Pérez (en) Alejandrina María Salazar Hernández (en) (1977 - Emma Luciana Aispuro (en) (2007ko uztailaren 2a - |
Seme-alabak | ikusi
|
Anai-arrebak | |
Familia | ikusi
|
Hezkuntza | |
Heziketa | Academia Maria Reina (en) |
Hizkuntzak | gaztelania |
Jarduerak | |
Jarduerak | narkotrafikatzailea eta droga kapoa |
Enplegatzailea(k) | Sinaloako kartela |
Kidetza | Sinaloako kartela Guadalajara Cartel (en) |
Sinesmenak eta ideologia | |
Erlijioa | katolizismoa |
Geroago, 2015eko uztailaren 11an, berriz ihes egin zuen, oraingoan Altiplano seguritate goreneko espetetxik (Almoloya de Juarez, Mexiko). [5] CNS-ak berretsi zuen Guzmán izan zela seguritate goreneko espetxetatik birritan ihes egin zuen bakarra. 2016ko urtarrilaren 8an, Enrique Peña Nietok jakinarazi zuen Joaquín Guzmán beste behin harrapatu zutela. [6] 2017ko urtarrilaren 9an, Estatu Batuetara estraditatu eta New Yorkeko Zentzategi Zentro Metropolitarrean kartzelaratu zuten.[7] Epaiketaren ostean, 2019ko uztailaren 19an, ADX Florence-ra eraman zuten. Gaur egun, espetxe horretan jarraitzen du. [8]