Arrabio arrunt
From Wikipedia, the free encyclopedia
Arrabio arrunta (Salamandra salamandra) anfibio urodeloa da, Salamandridae familiakoa, Europan bizi dena. 15-16 zentimetroko luze da, lau hanka motz ditu eta buztan luzea. Gorputz beltza du, orban hori disdiratsuekin. Helduak lehortarrak dira, baina ingurune heze eta freskoak behar dituzte; horren ondorioz, baso hostogalkorretan bizi dira batik bat.
- «Arrabio» orriak hona dakar. burdin mearen tarteko produktuari buruzko artikulua hau da: «Arrabio (metalurgia)»
Datu azkarrak Iraute egoera, Sailkapen zientifikoa ...
Arrabio arrunt | |
---|---|
Iraute egoera | |
Arrisku txikia (IUCN 3.1) | |
Sailkapen zientifikoa | |
Erreinua | Animalia |
Filuma | Chordata |
Klasea | Amphibia |
Ordena | Caudata |
Familia | Salamandridae |
Generoa | Salamandra |
Espeziea | Salamandra salamandra |
Banaketa mapa | |
Itxi
Kolorazio bitxi hori dela-eta, arrabioaren irudia betidanik hainbat elezahar eta sineskeriaz inguraturik egon da, eta sarri askotan sorgin eta deabruen sukaldeko piztitzat jo izan da. Adibidez, arrabioa sutatik sortzen zela, edota bertan ez zela erretzen dioten kondairak ugari dira Europa osoko kulturetan.[1] Horren adierazle garbia da narrastiaren ingelesezko izena: fire salamander.