Pés gat
From Wikipedia, the free encyclopedia
C'l artìcul chè 'l è scrit in Miranduléś |
Al Pés gat, cgnusû anc cuma Bucàcia (nóm sientìfic Ameiurus melas), 'l è 'n pés 'd àqua dólsa uriginàri di Stat Unî dla famìja di Ictaluridae. Dal vòlti 'l è anc ciamâ in na manéra minga tant curèta Pés gat dal nòstri bandi p'r arcgnós'r-al méj rispèt a 'l Pés gat a maci, 'l Ictalurus punctatus. 'L è ciamâ acsè parchè al gh'à di bafi cumpàgn a i gat, òt.
Descrisioṅ
Impurtâ in Itàglia da l'Amèrica a 'l inìsi dal Nuvsènt, al pés gat al s è adatâ dimóndi bèṅ a vìv'r in di àqui di fiùm parchè 'l è reśistènt anc quànd d'l usìgen a gh 'n è pôc (al scampa abàsta anc fóra dl'àqua), 'l impurtànt 'l è che dla curènt a gh in sia pòca, lâg e stagn i èṅ i sò pòst preferî. Al magna da tut specialmènt ad nòt o quànd a gh'è nìvul, praticamènt 'l è 'n pés “spasèṅ”, e al pōl rivàr a pśar anc tri chilo e dvintàr lung ssanta cm.
Al gh'à anc un bśi cun dal vlèṅ ch'al fà dimóndi mâł s'al t punś. Quànd i faṅ i óṿ, masć e fémna i gh tîn'n anc adrē par prutèś'r-i.
I pescadōr i al pōlan ciapàr druànd cuma lésca di pés pìcui mòrt, di cuciarèṅ o di bègatèṅ.
Àtar prugèt
- Wikimedia Commons contiene file multimediali su Pés gat
- Wikispecies contiene informazioni su Pés gat
Culegamènt estéran
C'l artìcul chè 'l è scrit in Pramsân |
Par pèss gât a s'inténda di pèss ch'i fan pärta'd l'órdin Siluriformes c'al comprènda una muć ed sòrti difarènti, caratérisèdi quäsi tutì da la présénza ed dù barbiz in cò, mò ed sòlit a s'inténda la sòrta Ameiurus melas. Di Siluriformes, c'me a s'capisà dal nòm, a fa pärta anca al Pèss Silûr.
In Émilja i venón alévè e magnè un pò dapartùt.
A Pärma c'me a Piaseénsa par pèss gât a s'pol inténdór anca'na donà brutà bombén.