![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9a/Vinegar_infused_with_oregano.jpg/640px-Vinegar_infused_with_oregano.jpg&w=640&q=50)
Finegr
From Wikipedia, the free encyclopedia
Hylif asidig ydy finegr (neu finag yn nhafodiaith y gogledd) a gynhyrchir drwy eplesu athanol. Ei brif gynhwysyn ydy asid ethanoig. Gall ddod mewn ffurf eitha gwan o rhwng 4 i 8 y cant o ran cyfaint. Mae ynddo hefyd asid tartarig ac asid sitrig ac eraill. Fe'i defnyddiwyd ers canrifoedd i roi blas ar fwyd diflas megis sglodion neu i biclo, ac mae'n rhan bwysig o goginio Ewropeaidd, Gorllewinol ac Asiaidd.
![Thumb image](http://upload.wikimedia.org/wikipedia/commons/thumb/9/9a/Vinegar_infused_with_oregano.jpg/320px-Vinegar_infused_with_oregano.jpg)
Daw'r gair o'r Hen Ffrangeg vin aigre sef gwin egr. Ystyr 'egr' yn Gymraeg ydy 'sur' (e.e. y llysieyn egroes). Mewn hen lawysgrif Cymraeg (Llawysgrif yr Hafod) sydd heddiw i'w weld yn Llyfrgell Rydd Caerdydd, ac sy'n dyddio nôl i 1400 ceir y defnydd cyntaf o'r gair yn y Gymraeg, "Os berwir kig drwy finegr..."