بلوور
From Wikipedia, the free encyclopedia
بلوور یان کریستاڵ ماکەیەکی ڕەقە کە پێکھێنەکانی (وەکوو گەردیلەکان، گەردەکان، یان ئایۆنەکان) لە پێکھاتەیەکی میکرۆسکۆپیکی زۆر ڕێکوپێکدا ڕێک خراون و پێکھاتەیەکی بلووری پێک دەھێنن کە بە ھەموو لایەکدا بڵاو دەبێتەوە.[1][2] بلوورە تاکە ماکرۆسکۆپیکەکان بەزۆری بە شێوەی ئەندازەییی خۆیان دەناسرێنەوە. ئەو زانستەی کە لە بلوور و پێکھێنانی بلوور دەکۆڵێتەوە، کریستاڵۆگرافیی ناوە. پێواژۆی پێکھێنانی بلوور لە ڕێی میکانیزمەکانی گەشەی بلوورەوە، بلووراندن یان ڕەقاندنی پێ دەوترێت.
کڵۆی بەفر، ئەڵماس، و خوێی خوان بلووری گەورەن. زۆربەی ڕەقەیە نائەندامییەکان بلوور نین، فرەبلوورن. سەرەڕای ناوەکەی، بلووری قوڕقوشمی و بەرھەمە پەیوەندیدارەکانی بلوور نین، بەڵکوو جۆرێک شووشەن.