華人
From Wikipedia, the free encyclopedia
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng. cdo:Huà-ìng
「華人」其定義[1] | 出處 |
1.中華民族後裔 2.旅居各國其中華民族後裔 |
《國語辭典》 |
1.中國儂 2.中國血統其番國公民 |
《現代漢語詞典》 |
漢族 | 《海外華人百科全書》 |
華人(平話字:Huà-ìng;英語:Ethnic Chinese),廣義𡅏,是東亞中國地區民族其後裔,也就是中華民族後裔。文獻裏勢是講「華人其定義會中分廣義共狹義兩芘,廣義其華人是對有中國血統其儂其統稱,狹義其華人是專門指許価已經掏着外國國籍其番客,復號𡅏華裔」[2]。敆中國也有講海外華人、外國華人、外籍華人。中華民族由野価民族組成,共西洋種族其概念儥同樣。「華」是中國其代稱。西晉前後江統其《徙戎論》裏勢,華人共中國人(中國儂)、秦人(秦儂)、漢人(漢儂)其含義蜀樣[3]。唐朝以後,華人也號𡅏唐人[4](平話也號𡅏唐儂)。滿族建立清朝以後,華人伓啻漢族,故包括有其乞漢化其少數民族[5]。遘滿清尾、民國初,華人共華僑都掏𡅏指旅居大清境外其清國儂,含義無差別[6]。敆有其漢語語境臺中,「華人」者詞對應「洋人」,仱「中國人」(中國儂)是對應「外國人」(外國儂)[7]。今旦日,住着海外其,㑚有中華人民共和國國籍,一般號𡅏華僑,如果是中華民國國籍其,就按政治取向其不同,吿伊華僑或且臺僑[8]。但是敆有其前後,為了方便,會使「華僑華人」這樣款其稱呼,無做國籍其分別[9]。仱今旦日各國華人分佈著世界200芘國家共地區,儂數會遘6000㡬萬[10]。其中,東南亞華人數量佔海外其華人總數其蜀半以懸;其次是北美。也有已經落地生根其海外華人轉遘自家其祖籍地定居[11][12]。