Emgann Grunwald
From Wikipedia, the free encyclopedia
Emgann Grunwald, pe emgann kentañ Tannenberg, pe c’hoazh emgann Žalgiris, a c’hoarvezas d’ar 15 a viz Gouere 1410 e-kerzh ar brezel Polonat-lituaniat-hag-alaman hag ar c’hroaziadegoù balt. Ar c’hevredadur skoulmet etre rouantelezh Polonia ha Dugelezh Veur Lituania, renet a-getep gant ar roue Jogaila (Władysław Jagiełło evit Poloniz) ha gant An Dug Meur Vytautas (Witold), a voe trec’h en emgann-mañ war an Urzh Teutonek bleinet gant ar Mestr Meur Ulrich von Jungingen. Mervel a reas pe prizoniet e voe al lodenn vrasañ a bennoù bras an Urzh. Daoust ma ne gollas ket hemañ-diwezhañ re a dachenn da-geñver Feur-emglev peoc’h Toruń (1411) e voe gwanaet da-heul emgann Grunwald ha ne adkavas morse e c’halloud kent. D’e heul ivez e eskoras ur riez galloudus nevez e reter Europa: unaniezh Polonia ha Lituania (ha zeuy da vout Kenunaniezh Polonia ha Lituania er XVIvet kantved).
Emgann Grunwald | |||||||
---|---|---|---|---|---|---|---|
Tamm eus ar C'hroaziadegoù balt | |||||||
Emgann Grunwald (Bitwa pod Grunwaldem), livadur gant Jan Matejko. | |||||||
| |||||||
Emgannerien | |||||||
Urzh Teutonek Goprsoudarded kornogat | Lituaniz Poloniz Ruthened,... | ||||||
Pennoù-brezel | |||||||
Ulrich von Jungingen † | Vytautas Jogaila | ||||||
Niver a emgannerien | |||||||
27 000 | 39 000 | ||||||
Kolloù | |||||||
200–400 marc'heg lazhet 8000 den marv (14 000 prizoniad) | dianav |
Unan eus brasañ ha krennusañ emgannoù ar Grennamzer e voe.
Chomet eo bev mat en eñvor ar pobloù alaman, poloniat, lituaniat, ha belarus. Dreist-holl en hini Poloniz ha Lituaniz. Ha lidet e vez an emgann gant ar re-mañ diwezhañ.