Oseania
From Wikipedia, the free encyclopedia
Oseania (basa Inggris: Oceania) adalah istilah nang mangacu kasabuah wilayah geografis atawa geopolitis nang tadiri matan babarapa kapulauan nang baandak di Samudra Pasifik wan sakitarnya. Oseania nintu adalah wilayah di Bumi (rancak dianggap banua) nang luas wilayah daratan paling halus wan jumlah populasi paling halus kadua imbah Antartika.
Dalam artian himpit (nang didasari pada panjalajah asal Perancis bangaran Jules Dumont d'Urville tahun 1831, Oseania tadiri matan Polinesia (tamasuk Selandia Hanyar, Melanesia (tamasuk mulai Maluku sampai Nugini) wan Mikronesia. Amun dalam artian luas Oseania jua maliputi Australia wan Indunisia bagian timur; tapi takana Japang wan Kapulauan Aleut jua dianggap masuk di kalumpuk Oseania.
Sabagian ganal wilayah Oseania tadiri matan nagara-nagara pulau nang halus. Australia adalah saiikungannya nagara kontinental, amun Papua Nugini wan Timor Leste adalah nagara nang baisi parbatasan tanah, dimana kaduanya babatasan langsung lawan Indunisia.
Nagara-nagara Oseania mardika sasuai katantuan nang balain-lain di nagara panjajahnya, lawan mandapat aturan konstitusional nang bamacam-macam sasuai kaadaannya. Australia misalnya, adalah nagara nang tagabung dalam Pasamakmuran, nang maakui Ratu Elizabeth II matan Britania Raya sabagai Ratu, amun Polinesia Perancis adalah sabuah pays d'outre-mer ("nagara luar nagari") Perancis.
Manurut ekologi, Oseania adalah saikung matan dalapan zona ekologi terestrial dunia. Zona ekologi Oseania nang maliputi Mikronesia, Fiji wan Polinesia kacuali Selandia Hanyar, Papua Nugini, Kaledonia Hanyar, Kapulauan Solomon wan [[Vanuatu] nang tagolong zona ekologi Australasia.