पंकज त्रिपाठी
भारतीय अभिनेता / From Wikipedia, the free encyclopedia
पंकज त्रिपाठी (जनम 5 सितंबर 1976) एगो भारतीय फिलिम एक्टर बाने। त्रिपाठी मुख्य रूप से हिंदी फिलिम सभ में देखलाई पड़े लें आ कई गो टीवी सीरियल आ शो सभ में भी काम कऽ चुकल बाड़ें।[1] पंकज त्रिपाठी के कैरियर के सुरुआत साल 2004 में भइल बाकी इनके ब्रेकथ्रू मिलल 2012 में जब गैंग्स ऑफ वासेपुर रिलीज भइल। एकरे बाद आइल फिलिम सभ में फुकरे, मसान, निल बटे सन्नाटा, बरेली की बर्फ़ी, न्यूटन, फुकरे रिटर्न्स, आ स्त्री गिनावल जा सके लीं। न्यूटन में इनके काम के खातिर नेशनल फिलिम अवार्ड में इस्पेशल मेंशन के तहत इनके सम्मानित कइल गइल।