Канфлікт у Судане (з 2023)
From Wikipedia, the free encyclopedia
Канфлікт у Судане 2023 года — узброенае супрацьстаянне на тэрыторыі Судана паміж Узброенымі сіламі Судана (УСС) і ваенізаванай арганізацыяй «Сілы аператыўнай падтрымкі» (САП), якая сыходзіць сваімі каранямі да апалчэння Джанджавід. Баявыя дзеянні ўспыхнулі 15 красавіка 2023 года, спачатку ахапіўшы сталіцу, а хутка і розныя іншыя часткі краіны. Сам канфлікт стаў следствам барацьбы за ўладу паміж Абдэлем аль-Бурханам і Махамедам Дагала, а таксама няўдалай спробы інтэграцыі САП у шэрагі арміі.
Артыкул апісвае бягучыя падзеі. |
Канфлікт у Судане | |||
---|---|---|---|
Асноўны канфлікт: Пераход Судана да дэмакратыі | |||
Дата | з 15 красавіка 2023 | ||
Месца | Судан | ||
Прычына | барацьба за ўладу, спробы інтэграцыі САП у шэрагі арміі | ||
Статус |
канфлікт працягваецца, неадразова ўводзіўся рэжым спынення агню Спіс
16.04: з 16:00 па 19:00 штодня ўведзены рэжым спынення агню для гуманітарнай дапамогі
18.04: з 18:00 дзейнічала 24-гадзіннае перамір’е 21.04: абвешчана трохдзённае перамір’е 25.04: з 00:00 дзейнічае 74-гадзіннае перамір’е 30.04: дзейнічае 74-гадзіннае перамір’е 04.05: дзейнічае тыднёвае спыненне агню 22.05: з 21:45 дзейнічае тыднёвае спыненне агню (29.05 падоўжана да 03.06) 10.06: з 06:00 дзейнічае 24-гадзіннае перамір’е 18.06: з 06:00 дзейнічае 72-гадзіннае перамір’е 27.06: дзейнічае перамір’е з нагоды свята Курбан-байрам |
||
Праціўнікі | |||
|
|||
Камандуючыя | |||
|
|||
Сілы бакоў | |||
|
|||
Агульныя страты | |||
|
|||
Медыяфайлы на Вікісховішчы |
Першапачаткова асобныя СМІ назвалі падзеі спробай дзяржаўнага перавароту[20]. З часам у медыя загаварылі аб перарастанні барацьбы ў грамадзянскую вайну[21].
Сутыкненні выклікалі гуманітарны крызіс у сталіцы краіны і прыпыненне паветраных зносін. Міжнародная супольнасць аднадушна выказалася ў нейтральным ключы і заклікала бакі да міру. Аднак асобныя дзяржавы і замежныя сілы былі абвінавачаны ў падтрымцы таго ці іншага боку.
УСС і САП неадразова абвяшчалі аб часовым спыненні баявых дзеянняў, але не адно перамір’е не выконвалася фракцыямі канфлікту, таму супрацьстаянне працягвалася.