Інцыдэнт у Танкінскім заліве
From Wikipedia, the free encyclopedia
Інцыдэнт у Танкінскім заліве або Танкінскі інцыдэнт — канфлікт паміж флотам ЗША і паўночнав’етнамскімі тарпеднымі катэрамі ў Танкінскім заліве, які паклаў пачатак маштабным баявым дзеянням амерыканскай арміі у В’етнаме.
2 жніўня 1964 года ў Танкінскім заліве амерыканскі эсмінец «Мэдакс» выконваў радыёэлектронную разведку ля берагоў Паўночнага В’етнама. Катэры берагавой аховы Паўночнага В’етнама ўступілі з імі у бой, падрабязнасці якога канчаткова не высветлены. У тым баю амерыканцы прымусілі адступіць в’етнамскую берагавую ахову.
У ноч на 5 жніўня 1964 года падчас шторму ў Заліве эсмінцы «Мэдакс» і «Тэрнэр Джой» зноў праводзілі радыёэлектронную разведку і, згодна паведамленню амерыканскіх маракоў, іх радары паказалі набліжэнне некалькіх аб’ектаў. З эмінцаў адкрылі агонь па магчымаму ворагу, але дакладных доказаў нападу в’етнамскіх ВМС не знайшлі. Тым не менш, з 5 жніўня амерыканская авіяцыя пачала бамбіць Паўночны В’етнам. А 7 жніўня 1964 года Кангрэс ЗША прыняў Танкінскую рэзалюцыю, якая дазваляла прэзідэнту Злучаных Штатаў права праводзіць актыўныя баявыя дзеянні ў Паўднёва-Усходняй Азіі сіламі амерыканскай арміі.