Ruy López de Villalobos
From Wikipedia, the free encyclopedia
Si Ruy López de Villalobos (1500–1544) iyo an Kastilang eksplorador na namayo sa sarong bakong matrayumpo na pagbalo na sakupon an Filipinas kaidtong 1543, an pagbalo na piriton an kontrol kan mga Kastila diyan sa irarom kan mga termino kan tratado kan Tordesillas asin Zaragosa. Huli ta dai niya kayang pakakanon an saiyang mga tawuhan sa paagi kan barter, raiding, o pag-uma asin dai kayang maghagad nin mga supply gikan sa Mehiko huli sa maluyang kaaraman sa mga duros kan Pasipiko asin sulog, si López de Villalobos inabandona an saiyang misyon asin nagdulag sa Moluccas na nakakaptan kan Portugal, kun saen siya nagadan sa laog kan presohan. Siya nagiromdoman huli sa nagkapirang gunuan na nagtatao saiya nin kredito sa pagtao nin ngaran sa Leyte bilang "Philippine Islands" sa pag-onra sa Kastilang kinoronahan na prinsipe na si Philip (sa huri nagin Hadeng Philip II). An ngaran sa kahurihurihi naglakop sa bilog na arkipelago kan Filipinas asin sa saiyang nasyon. (An ibang gunuan nagtaong kredito sa saro sa saiyang mga kapitan na si Bernardo de la Torre.)