Poukā
From Wikipedia, the free encyclopedia
Poukā aba pūkā ī tuokės nuognē minkštas, švelnės, porės, lėngvas paukštė plonksnas. Anūm ašės nuognē trompa ė minkšta, vuo plaukaliu daug. Poukā sauga paukšti nug šaltė, ondenė ė būn pakavuoti pu dėdliuosiuom plonksnuom. Da poukā leid paukštiam laikītėis ont ondenė, skristė. Cielā so poukās pėrmas dvė nedielė būn tiktās ėšsirėtė̄ paukštokā.
Tas straipsnis īr aple plonksnas. Aple augala veiziekėt Pūkā (augals).
Paukštiu (īpatingā žōsū) poukus žmuonis peš ė pil i ėmpėlus pagalvėm.
Poukās da šauka ė kap katrūm augalū sieklu „skristokus“ (pvz., kiaulpėiniu, osniu, pūku ė kt.).