Vakeah in da Stod Soizburg
From Wikipedia, the free encyclopedia
De Stod Soizburg is af da an Seitn a wichtiga Vakeahsknotnpunkt in Östareich (zwoatgreßta östareichischa Flughofn, Haptbohhof ois Knotnpunkt, Autobohnan), af da ondan Seitn gibts durch seî Log - bsondas durch de vüin Berng und Hügü mittn im Stodgebied - afoch a Blotzproblem im innastädtischn Vakea. S'Stroßnnetz is kapazitätsmäßig am End, bsondas zu de Stoßzeitn und zu de touristischn stärkan Zeitn (oiso eh fost s'gonze Joa long, owa gonz bsondas im Advent und zu de Festspüle im Juli und August). Da effntliche Nohvakea is gleichzeiti nu ned a so ausbaud, wia des d'Stdd brauchn dad. S'Vakeasproblem wird a imma donn schlimma, wonns rengt (oiso bsondas im Somma oft), wei donn ana vo de wichtigstn Nohvakeaträga, s'Fohrradl, ziemli ausfoid.