Schubert Franzl
From Wikipedia, the free encyclopedia
Da Schubert Franzl, aumtlich Franz Peter Schubert (* 31. Jenna 1797 aum Himmepfortgrund in Wean, heit a Teu vaum 9. Weana Gemeindebeziak Oisagrund; † 19. November 1828 in Wean) woa a österreichischa Komponist.
Fia andane Bedeitunga schau: Schubert Franzl (Begriffsklearung). |
Da Schubert hod praktisch in oin Gottungen vau da klassischn Musi herausrogende Weake gschoffn. Nua seine Opan wean sötn gspüd, weu de Textbiachl a rechta Schmoan san. In da heiting Musiwissnschoft güt a neman Beethoven ois Begrinda vau da romantischn Musi. Im Untaschied zu de Komponistn vau da Weana Klassik hod a vü mea klaane Stickl gschriem (Liada, Klaviastickln).
Ea is oft ois vakaunts Genie augseng wuan. Ea woa recht zruckhoitend, owa aa scho zu seina Zeid iwaregional bekaunt. Noch seim Oblem is a boid zua Legende wuan.