Béisbol
deporte americanu nel que xunes equipos compiten para marcar carreres por aciu el cuto d'una bola llanzada y corriendo alredor d'unes bases / From Wikipedia, the free encyclopedia
El béisbol[1] (del inglés baseball), ye un deporte de conxuntu xugáu ente dos equipos de 9 xugadores cada unu. Considérase unu de los deportes más populares de los Estaos Xuníos, Xapón, Canadá, Corea del Sur, Taiwán, Cuba, Australia, Méxicu, Nicaragua, Panamá, Puertu Ricu, Sudáfrica, Holanda, República Dominicana, Italia, Colombia y Venezuela. Los países consideraos potencies d'esti deporte concéntrense n'América (Norte, Central, Caribe) y n'Asia, siendo los Continentes Européu y Africanu los más arrezagaos, anque Europa cuenta con dos bonos esponentes como Holanda ya Italia; y n'África namái cabo destacar a la seleición de Sudáfrica con dellos bonos talentos.
Esti artículu o seición necesita correxise urxentemente. Tien fallos na redaición, la gramática o la ortografía que precisen meyorase. |
Béisbol | ||
---|---|---|
Una vista del campu de béisbol del Wrigley Field, Chicago, Illinois, Estaos Xuníos. | ||
Otros nomes |
Beisbol Baseball Pelota base | |
Primera competencia |
A mediaos del sieglu XVIII o antes, Inglaterra (forma primitiva) 19 de xunu 1846, Hoboken, New Jersey (primer rexistru d'un xuegu con regles) (New York Nine vs Club Knickerbocker) | |
Carauterístiques | ||
Accesorios |
Pelota de béisbol Bate Guante de béisbol | |
Duración del encuentru | Nun hai tiempu fixu (nueve entraes reglamentaries, o más entraes adicionales de ser necesaries) | |
Olímpicu | 1992–2008 | |
[editar datos en Wikidata] |
Xuégase nun estensu campu de yerba natural o artificial (con esceición de la zona onde los xugadores de la ofensiva cuerren p'algamar les bases, allugaes nos vértices del área cuadrangular llamada diamante, y anotar, llamada llinia del corredor, y l'área del llanzador onde'l terrén ye una llomba de tierra).
L'oxetivu del xuegu ye cutir una pelota con un bate (batear), moviéndola al traviés del campu y correr pel campu internu de tierra (infield) buscando algamar la mayor cantidá de bases posibles hasta dar la vuelta a la base dende onde se bateó (home) y llograr anotar el tanto conocíu como carrera, mentanto los xugadores defensivos busquen la pelota bateada pa eliminar al xugador que bateó la pelota o a otros corredores, primero qu'éstos lleguen a dalguna de les bases o consigan anotar la carrera (ver les regles pa más detalles del xuegu).
L'equipu qu'anote más carreres al cabu de les nueve partes, llamaes entraes que dura'l partíu, ye'l que resulta ganador. Si al términu de les nueve entraes regulares caltiénse un marcador igualáu en carreres, l'alcuentru esténdese tolo necesario pa qu'heba un ganador, según les regles básiques del xuegu nun esiste l'empate, permitíu namái en lligues d'aficionaos ya infantiles pa torgar el desgaste de los xugadores.
Per otru llau, una de les carauterístiques qu'estremen al béisbol d'otros deportes de conxuntu, ye que nésti la defensa ye la que tien la pelota.