Xeografía d'Uruguái
From Wikipedia, the free encyclopedia
Uruguái ta asitiáu nel sureste d'América del Sur y llinda al sur col océanu Atlánticu, ente Arxentina y Brasil. Con una superficie terrestre de 176.215 km² (de la que 175.016 km² ye la suma total de los departamentos y 1.199 km² entiende la suma de los llagos artificiales del Ríu Negru) exerz, amás, la so soberanía sobre delles islles allugaes nel Ríu Uruguái (con un total de 105 km²), 16.799 km² d'agües xurisdiccionales (Ríu Uruguái, Ríu de la Plata y Llaguna Merín) y una área de mar territorial de 125.057 km². De la mesma, Uruguái caltién dos apuestes estremeros con Brasil alrodiu de los territorios conocíos como Isla Brasilana y Rincón de Artigas, qu'ocupen una área de 237 km². L'área total del territoriu uruguayu toma 318.413 km².[1]