Visión
From Wikipedia, the free encyclopedia
La visión ye la capacidá d'interpretar la nuesa redolada gracies a los rayos de lluz qu'algamen el güeyu. Tamién s'entiende por visión toa aición de ver. La visión o sentíu de la vista ye una de les principales capacidaes sensoriales del home y de munchos animales. Esisten distintos tipos de métodos pal exame de la visión.
El güeyu ye la puerta d'entrada pola qu'ingresen los estímulos lluminosos que se tresformen n'impulsos llétricos gracies a unes célules especializaes de la retina que son los conos y los cayaos.
El nerviu ópticu tresmite los impulsos llétricos xeneraos na retina al celebru, onde son procesaos na corteza visual.[1]
Nel celebru tien llugar el complicáu procesu de la perceición visual gracies al cual somos capaces de percibir la forma de los oxetos, identificar distancies y detectar los colores y el movimientu.
La mancadura d'una de les estructures del sistema visual puede causar ceguera anque'l restu nun presente nenguna alteración. Na ceguera cortical causada por una mancadura na rexón occipital del celebru, produzse perda completa de visión anque'l güeyu y el nerviu ópticu nun presenten nenguna anomalía.[2]
El Día Mundial de la Visión celébrase'l segundu xueves del mes d'ochobre.[3]