Vena
From Wikipedia, the free encyclopedia
En anatomía, una vena ye un vasu sanguineu que conduz la sangre dende los capilares hasta'l corazón. Xeneralmente, les venes caracterícense porque contienen sangre desoxigenada (que se reoxigena al so pasu polos pulmones), y porque tresporten dióxidu de carbonu y refugayes metabóliques procedentes de los texíos, en direición de los órganos encargaos de la so eliminación (los pulmones, los reñones o'l fégadu). Sicasí, hai venes que contienen sangre rico en osíxenu: ésti ye'l casu de les venes pulmonares (dos izquierdes y dos dereches), que lleven sangre osixenada dende los pulmones hasta los cuévanos del llau esquierdu del corazón, por que ésti bombiar al restu del cuerpu al traviés de l'arteria aorta, y les venes umbilicales.
Alvertencia: Wikipedia nun ye un consultoriu médicu nin farmacolóxicu. Si piensa que precisa ayuda, por favor, fale con un profesional de la salú. |
Vena | ||
---|---|---|
Diagrama de les venes más importantes nel organismu. | ||
Corte d'una vena amosando una válvula (Nº2) qu'evita la torna del sangre. | ||
Llatín | [TA]: vena | |
TA | A12.0.00.030 | |
Sistema | Circulatoriu | |
Enllaces esternos | ||
Gray | ||
[editar datos en Wikidata] |
El cuerpu humanu tien más venes qu'arteries y la so llocalización exacta ye muncho más variable de persona a persona que'l de les arteries. La estructura de les venes ye bien distinta a la de les arteries: el cuévanu de les venes (la "lluz") ye polo xeneral más grande y de forma más irregular que les de les arteries correspondientes, y les venes tán desprovistes de llámines elástiques.
Les venes son vasos d'alta capacidá, que contienen alredor del 70 % del volume sanguíneo total.