Teunoloxía de la información
desendolcu, alministración y usu de sistemes d'información usando ordenadores / From Wikipedia, the free encyclopedia
La teunoloxía de la información (TI, o más conocida como IT pol so significáu n'inglés: information technology) ye l'aplicación d'ordenadores y equipos de telecomunicación p'almacenar, recuperar, tresmitir y manipoliar datos, con frecuencia utilizáu nel contestu de los negocios o otres empreses. El términu ye comúnmente utilizáu como sinónimu pa los ordenadores, y les redes d'ordenadores, pero tamién toma otres teunoloxíes de distribución d'información, tales como la televisión y los teléfonos. Múltiples industries tán acomuñaes coles teunoloxíes de la información, incluyendo hardware y software d'ordenador, electrónica, semiconductores, internet, equipos de telecomunicación, e-commerce y servicios computacionales.
Tipu | rama de la ciencia, industria (es) y disciplina académica |
---|---|
Parte de | teunoloxíes de la información y la comunicación |
Frecuentemente los términos TI y TIC suelen ser confundíos nel so usu. Ye importante señalar la diferencia ente dambos: TI fai referencia a Teunoloxíes de la Información, ente que TIC implica les Teunoloxíes de la Información y la Comunicación. Dambes sostienen una amplia rellación, sicasí, señalen árees distintes. El términu TI ye un términu más ampliu y abarca a les TIC, siendo ésti un términu qu'indica una subcategoría d'aquel. "Les TI tomen el dominiu completu de la información, qu'inclúi al hardware, al software, a los periféricos y a les redes. Un elementu cai dientro de la categoría de les TI cuando s'usa col propósitu d'almacenar, protexer, recuperar y procesar datos electrónicamente".[1]
Los humanos tuvieron almacenando, recuperando, manipoliando y comunicando información desque los sumerios en Mesopotamia desenvolvieren la escritura cerca del 3000 e. C., pero'l términu teunoloxía de la información nel so significáu modernu fixo la so primer apaición en 1958 nun artículu publicáu na revista Harvard Business Review; los sos autores Harold J. Leavitt y Thomas L. Whisler comentaron que “la nueva teunoloxía nun tien entá un nome establecíu. Tendríamos De llamala teunoloxía de la información (TI)”. La so definición consistía en tres categoríes: téuniques de procesamientu, l'aplicación de métodos estadísticos y matemáticos pa tomar de decisión, y la simulación del pensamientu d'orde cimeru al traviés de programes computacionales.[2]
Basándose na teunoloxía d'almacenamientu y procesamientu emplegada, ye posible estremar cuatro yeres del desenvolvimientu de TI: pre-mecánica (3000 e. C.-1450 d. C.), mecánica (1450-1840), electromecánica (1840-1940) y electrónica (1940-al presente).[3]