Teoría musical
From Wikipedia, the free encyclopedia
La teoría musical ye un campu d'estudiu que tien por oxetu la investigación de los diversos elementos de la música, ente ellos el desenvolvimientu y la metodoloxía p'analizar, sentir, entender y componer música. El Diccionariu Oxford de la Música[1] describe tres aspeutos interrellacionaos:
- El primeru refierse a los denomaos “rudimentos” musicales, que na enseñanza amenórguense a los elementos de notación como armadures, indicadores de compás, valores rítmicos y demás. Nesti sen, la teoría considérase parte preliminar indispensable pal estudiu de l'harmonía, el contrapuntu y la forma musical.
- El segundu al estudiu de los escritos musicales de l'antigüedá hasta los nuesos díes (estética, notación, acústica, diseñu de preseos musicales, práutiques interpretatives, etc.).
- El tercer aspeutu refierese al campu de los estudios musicolóxicos qu'escuerren una definición de los procesos y principios xenerales de la música, un área d'investigación que pue estremase del analís al tomar como puntu de partida non la obra o la interpretación individual, sinón los materiales fundamental que lu conformen.
Pa ver otros usos d'esti términu, Teoría musical (dixebra).
Una persona especializada en teoría musical ye un teóricu musical.