Sultanatu saadí
From Wikipedia, the free encyclopedia
La dinastía saadí, saadiana o saadita (n'árabe: سعديون sa'adiyun), foi una dinastía árabe que gobernó en Marruecos ente'l sieglu XVI y XVII.
| ||||
---|---|---|---|---|
dinastía | ||||
Alministración | ||||
Forma de gobiernu | Principáu | |||
Llingües oficiales | árabe | |||
Xeografía | ||||
Dende 1509 hasta 1554 gobernó na rexón sur del actual Marruecos. El so reináu sobre la totalidá del territoriu de Marruecos empieza col gobiernu del Sultán Mohámmed ash-Sheikh en 1554 y el final d'esta dinastía terminó en 1659 cola muerte del sultán Áhmad el-Abbás.
La dinastía saadí afirmaba ser una familia jerife, orixinaria del Hiyaz, descendientes de Mahoma al traviés d'Alí ibn Abi Tálib y Fátima Zahra (fía de Mahoma). Los saadíes proveníen de Tagmadert, nel valle del ríu Draa, al sur de Marruecos. La so población d'orixe yera Tidzi, diez quilómetros al norte de Zagora.[1]
L'apellativu de saadí foi dau a Bani Zaydán, jerife de Tagmadert, polos sos enemigos, quien trataron de suburdiar la so descendencia hasánida al dicir que provenía de la familia de Halimah Saadiyya, nodriza de Mahoma. El más famosu de los sultanes de la dinastía saadí foi Áhmed al-Mansur (1578-1603), constructor del palaciu El-Badi en Marrakech y contemporaneu de Felipe II d'España y Sabela I d'Inglaterra. Unu de los sos más importantes llogros foi espulsar a los portugueses de Marruecos y defender el país contra los otomanos.
Antes de conquistar Marrakech, la ciudá capital de los gobernantes de la dinastía saadí foi Tarudant. Les tumbes saadíes son un mausoléu que recueyen los restos de 70 miembros de la dinastía saadí, en Marrakech y que fueron redescubiertas en 1917.