Sinfonía
From Wikipedia, the free encyclopedia
Una sinfonía ye un tipu de composición musical pa la orquesta (anque anguaño ye común atopar sinfoníes pa pocos preseos), estremada en cuatro movimientos, cada unu con un tiempu y estructura distinta. Son famoses les sinfoníes d'Haydn, Mozart y Beethoven nel periodu clásicu. La forma de la sinfonía varió col tiempu ente'l periodu clásicu, el románticu y el sieglu XX, por casu, les contemporánees d'Arthur Honegger son de 3 movimientos.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El tamañu de la orquesta necesaria pa interpretar una sinfonía, polo xeneral, creció col tiempu: mientres una orquesta de cámara con un par de docenes de preseos ye abondu pa interpretar una sinfonía de Haydn, una de Gustav Mahler puede riquir dellos centenares d'intérpretes.
La sinfonía probablemente algamó'l so maduror con Beethoven. Les sos sinfoníes solíen tener un primer movimientu Allegro de forma sonata, un movimientu lentu (dacuando en forma de tema y variaciones), un movimientu con ritmu ternariu (usualmente un scherzo, enantes lo común yera un minué y tríu), pa rematar con otru movimientu rápidu (rondó). (Esisten sinfoníes con un últimu movimientu escritu como forma sonata).