Siendes de Percorríu Grande d'Asturies
From Wikipedia, the free encyclopedia
N'Asturies, les siendes balizaes como de Percorríu Grande (GR, Gran Recorrido en castellanu; Grande Randonnée en francés y Grande Rota en portugués) son rutes de senderismu que tienen una distancia mayor a 50 km. La duración de les mesmes ye de más de dos xornaes y tán señalizaes con marques horizontales de pintura blanca y colorada. Dacuando, los senderos de Percorríu Grande formen parte d'otra rede mayor, les Siendes Europees, que crucien el continente en toles direiciones. El mantenimientu y marcáu de la rede ta al cargu de la Federación de deportes de Monte, Escalada y Senderismu.[1][2]