Rueda de emisoras Rato
From Wikipedia, the free encyclopedia
La Rueda de Emisoras Rato, conocida tamién como Cadena Rato, yera una cadena de radio española que llegó a axuntar setenta y dos emisores a finales de los años noventa.
L'orixe de la cadena ta na compra de Radio Toledo en 1950 por parte de Ramón Rato Rodríguez, un abogáu y empresariu asturianu vinculáu al réxime franquista y a los sectores monárquicos. Esta emisora convirtióse na cabecera de tola cadena hasta l'apertura de Radio Cristal de Madrid.
La Rueda de emisoras Rato fue medrando pola mor de la compra d'otres emisores, como les pertenecientes a la Cadena Color de Valencia, o la concesión de nueves llicencies en 1978 y 1989. L'audiencia llegó a ser importante en delles zones d'España, como Asturies, la Comunidá Valenciana, Cataluña o Andalucía. En cambiu, otres comunidaes como Galicia y Canaries nun taben cubiertes por nenguna emisora.
Les sos emisores teníen teníen una programación casique esclusivamente local, compuesta d'alredor d'un 70 % de música n'español y un 30 % de pallabra. Ente los programes, destaquen los deportivos, siendo una de les primeres emisores de radio en facer retresmisiones dende un campu de fútbol. Nos años ochenta tuvieron ciertu ésitu les retresmisiones de la Vuelta Ciclista a España o'l programa Goles de Pedro Pablo Parrado. Otros llocutores famosos que trabayaron nesta cadena fueron Isabel Gemio o Alfonso Arús.
N'abril de 1990, la ONCE, propietaria de Radio Amanecer, compró 63 de les 72 emisores de la Cadena Rato por 4 500 millones de pesetes. De la fusión de les dos empreses surdió una cadena nueva, Onda Cero.