Repúbliques marítimes
From Wikipedia, the free encyclopedia
La definición de repúbliques marítimes (dacuando conocíes como repúbliques marineres) puede estendese a delles ciudaes costeres, italianes o non, qu'ente los sieglos X y el XV gociaron d'una prosperidá económica gracies a la so actividá comercial, nun marcu d'amplia autonomía política. Xeneralmente, la definición refierse n'especial a cuatro ciudaes italianes: Amalfi, Xénova, Pisa y Venecia.
Sicasí, otres ciudaes del área tamién gociaben d'independencia (gobiernu autónomu con forma de república oligárquica, moneda y exércitu, ente otros), participaren nes Cruzaes, cuntaben con una flota naval, teníen fundagos (colonies comerciales), «cónsules de les nationes», que xixilaben los intereses comerciales de les sos respeutives ciudaes nos puertos mediterráneos, y pueden ser incluyíes de plenu derechu ente les repúbliques marítimes. Estes ciudaes yeren Ancona,[1] Gaeta, Noli y Ragusa.