Relixón na Antigua Roma
From Wikipedia, the free encyclopedia
La relixón romana consistía, igual qu'ente los griegos, más nun conxuntu de cultos que nun cuerpu de doctrines. Había dos clases de cultos: los del llar, que xuníen estrechamente a la familia, y los públicos, qu'aguiyaben el patriotismu y el respetu al Estáu. Na dómina imperial añadiríase'l cultu al emperador. En términos xenerales, tratábase d'una relixón tolerante escontra toles relixones estranxeres, pos los romanos acoyeron a dioses griegos, exipcios, frixos, etc. Tamién yera una relixón contractual, pos les plegaries y ufriendes faíense a manera de pactu colos dioses, esto ye, pa recibir favores, y si el creyente entendía que la divinidá nun lu cumplía, dexaba de rindi-y cultu.