Reinos xermánicos
From Wikipedia, the free encyclopedia
Los reinos xermánicos fueron los estaos que s'establecieron a partir de finales del sieglu IV hasta bien entrada la Edá Media, por los pueblos xermánicos procedentes de la Europa del Norte y del Este. Les sos instituciones polítiques peculiares, en concretu l'asamblea de guerreros llibres (thing) y la figura del rei (en protoxermánicu kuningaz, que da en anglo-saxón cyning, n'inglés king, n'alemán König y nes llingües nórdiques kung o konge), recibieron la influencia de les tradiciones institucionales del Imperiu y la civilización grecorromana, y fuéronse afaciendo a les circunstancies del so asentamientu nos nuevos territorios.
Los modernos estaos-nación y estos reinos nun tienen nenguna conexón sacantes la nominal, el estao-nación ye un conceutu surdíu del tratáu de Westfalia de 1648.