Protectoráu español de Marruecos
From Wikipedia, the free encyclopedia
El proteutoráu español de Marruecos (n'árabe: حماية إسبانيا في المغرب, Himāyat Isbāniyā fi-l-Magrib; denomináu en círculos marroquinos tamién الاحتلال الإسباني للمغرب, al-iḥtilāl al-isbānī li-l-Magrib, 'ocupación española de Marruecos'), comúnmente denomináu Marruecos español, ye la figura xurídica aplicada a una serie de territorios del Sultanatu de Marruecos nos que España, según los alcuerdos franco-españoles roblaos el 27 de payares de 1912, exerció un réxime de proteutoráu hasta los años 1956 y 1958.
| ||||
---|---|---|---|---|
protectoráu | ||||
| ||||
Alministración | ||||
Capital | Tetuán | |||
Forma de gobiernu | protectoráu | |||
Llingües oficiales | castellanu | |||
Xeografía | ||||
Coordenaes | 40°N 0°E | |||
Economía | ||||
Moneda | peseta | |||
Más información | ||||
Estaya horaria | Africa/Ceuta (en) | |||
El proteutoráu consistía en dos territorios del actual Marruecos, xeográficamente dixuntos:
- la zona norte, qu'incluyía les rexones del Rif y Yebala, tenía frontera nel norte coles ciudaes de Ceuta y Melilla y les places de soberanía —que nun pertenecíen al territoriu del proteutoráu yá que yeren territoriu español— y cola Zona Internacional de Tánger; tanto al sur como al este, el proteutoráu español atestaba col francés.
- la zona sur, tamién conocida como Cabu Juby, na actual provincia marroquina de Tarfaya, denomada Villa Bens nel periodu de dominación española, atestando cola colonia española d'El Sáḥara español al sur, y al norte col proteutoráu francés col ríu Draa como frontera.
Ocho meses antes de los alcuerdos, Francia creara'l so propiu proteutoráu sobre la mayor parte del actual Marruecos. Sicasí, la creación d'una alministración colonial sobre los territorios del proteutoráu nel Rif nun se produciría hasta 1927, una vegada la zona foi pacificada. El proteutoráu duraría hasta'l día 7 d'abril de 1956, salvo la zona sur qu'España alministraba xunida al Sáḥara español, y que foi apurrida a Marruecos en 1958.