Presidente d'Ucraína
From Wikipedia, the free encyclopedia
El presidente d'Ucraína (n'ucraín: Президент України; tresllit.: Prezydent Ukrayiny) ye'l xefe d'Estáu d'Ucraína y una de los dos cabeces del Poder Executivu del país. El presidente representa a la nación ucraniana nes rellaciones internacionales, lleva a cabu les negociaciones y conclúi trataos internacionales. El presidente ye escoyíu direutamente polos ciudadanos d'Ucraína pa un mandatu de cinco años (anque la eleición puede ser adelantrada pola Rada Suprema) con posibilidá d'una reelección consecutiva.[1]
Presidente d'Ucraína | |
---|---|
cargu electu | |
xefe d'Estáu, presidente y políticu | |
Titular | Volodímir Zelenski dende 20 mayu 2019 |
Residencia | Edificio de la Oficina del Presidente de Ucrania (es) y Palacio Mariyinski (es) |
Xurisdicción | Ucraína |
Estáu | Ucraína |
Duración del cargu | 5 años |
Creación | 5 xunetu 1991 |
Predecesor | presidente de Ucrania en el exilio (es) |
Llista | Anexo:Presidentes de Ucrania (es) |
Sitiu web | https://president.gov.ua |
La residencia pa propósitos de ceremonies oficiales del Presidente ye'l Palaciu Mariyinsky. Tamién s'usen pa visites oficiales de los ministros d'asuntos esteriores la casa con Quimeras y la casa de la vilba lloramicadora. L'Alministración Presidencial d'Ucraína, extraoficialmente conocida como "Bánkova", en referencia a la cai na que s'atopa, sirve como l'edificiu alministrativu del Presidente ucraín, onde s'asesora al presidente nos asuntos nacionales, estranxeros y llegales.
Dende l'establecimientu del cargu'l 5 de xunetu de 1991, hubo cinco presidentes d'Ucraína. El primeru foi Leonid Kravchuk (que yá ocupaba la xefatura d'estáu interina dende 1990), electu en 1991, hasta la so salida del poder nunes eleiciones adelantraes en 1994. El so socesor, Leonid Kuchma ye hasta agora l'únicu presidente en consiguir la reelección, en 1999. Víktor Yúshchenko completó un solu mandatu y apurrió el poder al so socesor, Víktor Yanukóvich, que se convirtió nel primer presidente d'Ucraína en ser derrocáu, tres la revolución conocida como Euromaidán, en 2014, siendo reemplazáu pol Presidente de la Rada Suprema Oleksandr Turchínov interinamente.[2] Turchínov ye hasta agora l'únicu presidente en funciones de la historia moderna d'Ucraína. Al contrariu que nos rexímenes presidencialistes como los Estaos Xuníos, onde'l vicepresidente recibe darréu tolos poderes de la presidencia tres l'asunción de la oficina presidencial, n'Ucraína los poderes d'un presidente en funciones son bien llindaes. El 18 de xunu de 2015, Yanukóvich foi quitáu oficialmente del títulu de ex-presidente d'Ucraína.[3] L'actual presidente, Petró Poroshenko, asumió'l cargu'l 7 de xunu de 2014.[4]
El sistema de gobiernu ucraín ye semipresidencial, polo qu'ente que el Presidente d'Ucraína ye'l xefe d'estáu y gocia de mayores poderes que nuna república parllamentaria, el xefe de gobiernu ye'l primer ministru, designáu pola Rada Suprema.[5][6] L'actual Primer ministru ye Volodýmyr Groysman, dende abril de 2016.