Presidente d'Irán
From Wikipedia, the free encyclopedia
El presidente d'Irán (en persa: ریاست جمهوری اسلامی ایران ) ye'l xefe del gobiernu qu'alministra la República Islámica d'Irán. El de presidente ye'l cargu electu de mayor rangu del país, solo per debaxo del líder supremu d'Irán, que fai la función de xefe d'Estáu del país (Rahbar-y Nezâm).[1] El Presidente d'Irán ye escoyíu pa un mandatu de 4 años pol votu direutu popular, y nun puede sirvir más de dos mandatos consecutivos, esto ye, 8 años.
Presidente d'Irán | |
---|---|
cargu públicu | |
presidente y xefe de Gobiernu | |
Residencia | Sa'dabad Palace (en) |
Nomáu por | Sufraxu universal |
Parte de | Gobierno de Irán (es) |
Xurisdicción | Irán |
Estáu | Irán |
Creación | 4 febreru 1980 |
Suplente | Vice President of Iran (en) |
Llista | Presidentes de Irán (es) |
Sitiu web | https://president.ir |
El Capítulu IX de la Constitución de la República Islámica d'Irán establez les calificaciones de los candidatos a la presidencia y los procedimientos pa la eleición, según los poderes y les responsabilidaes del Presidente como "funciones del executivu". Estes inclúin roblar trataos y otros alcuerdos con países estranxeros y organizaciones internacionales, alministrar la planificación nacional, el presupuestu y los asuntos d'empléu estatal, según designar ministros, suxetos a l'aprobación del Parllamentu.[2] Al contrariu que nel sistema executivu d'otros países, el Presidente d'Irán nun tien el control absolutu de la política d'esteriores, les Fuercies Armaes y la política nuclear, una y bones estes tán sol control del Líder Supremu[3]
L'actual Presidente d'Irán ye Hasán Rouhaní, quien asumió'l so cargu'l 3 d'agostu de 2013, tres les eleiciones presidenciales de 2013. Foi'l socesor de Mahmud Ahmadineyad, quien tuvo 8 años nel cargu, de 2005 a 2013.