Presión atmosférica
From Wikipedia, the free encyclopedia
La presión atmosférica ye la fuercia por unidá d'área qu'exerz el aire sobre la superficie terrestre.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La presión atmosférica nun puntu coincide numbéricamente col pesu d'una columna estática d'aire de seición recta unitaria que s'estiende dende esi puntu hasta la llende cimera de l'atmósfera. Como la densidá del aire mengua conforme aumenta l'altor, nun puede calculase esi pesu nun siendo que síamos capaces d'espresar la variación de la densidá del aire en función de l'altitú o de la presión, polo que nun resulta fácil faer un cálculu exactu de la presión atmosférica sobre un llugar de la superficie terrestre. Amás tantu la temperatura como la presión del aire tán variando de cutio, nuna escala temporal como espacial, enzancando'l cálculu. Puede llograse una midida de la presión atmosférica nun llugar determináu pero d'ella non pueden sacase munches conclusiones; sicasí, la variación de dicha presión a lo llargo del tiempu dexa llograr una información útil que, xunida a otros datos meteorolóxicos (temperatura atmosférico, mugor y vientos), puede dar una imaxe bastante acertada del tiempu atmosféricu, en dichu llugar ya inclusive un pronósticu al curtiu plazu del mesmu.