Poljé
From Wikipedia, the free encyclopedia
Un poljé (del eslavu, polje: campu[1]) ye una depresión nun macizu de roca cárstica de grandes dimensiones a manera de valle allargáu y zarráu, de fondu planu, de gran tamañu y contornes irregulares. Los cantos son empinaos y nellos apruz la roca caliar. Este debe la so presencia al cambéu por disolución de bloques de caliar fallaos o plegaos escontra baxo. Suel tar percorríu por un regatu que sume sópitamente por un sumidoriu o pónor.[2] El poljé puede anubrise temporalmente (o permanentemente, tresformándose nun llagu) si l'agua superficial degola la capacidá de desaguadoriu del pónor y otros resquiebros y sumidorios, o si álzase'l nivel de les agües soterrañes.
El fondu llanu del poljé suel tar tapizáu de terra rossa, una magre procedente de la descalcificación de la caliar. Suelen ser valles bien fértiles al funcionar como trampes de sedimentos.