Persona física
From Wikipedia, the free encyclopedia
Persona física (o persona natural) ye un conceutu xurídicu, que la so ellaboración fundamental correspondió a los xuristes romanos.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Cada ordenamientu xurídicu tien la so propia definición de persona, anque en tolos casos ye bien similar. En términos xenerales, ye tou miembru de la especie humana susceptible d'adquirir derechos y contraer obligaciones. En dellos casos puede faese referencia a éstes como persones d'esistencia visible, d'esistencia real, física o natural.
El so orixe etimolóxicu vien de persona-ae, que yera aquella mázcara (per sonara, esto ye, pa faese oyer) que llevaben los actores na Antigüedá y que despintaba la so cara de la que faía sonar la so voz. Esto ye, una ficción que se sobrepon al ser que la porta. Ello ye asina porque non tolos seres humanos -especialmente n'otres dómines- podíen ser consideraos persones[ensin referencies]. Anguaño, y dependiendo del sistema llegal que se considere, el nasciturus o "que ta por nacer" esfruta d'una considerancia xurídica mesma distinta de la de persona física, y por tanto sometíu a un réxime distintu de derechos.
Güei, les persones físiques tienen, pol solu fechu d'esistir, atributos daos pol Derechu. La personalidá abre la puerta de la titularidá de derechos, de cuenta que namái siendo consideráu tal podía contratase o contraer matrimoniu, por poner un par d'exemplos.