Península de Baxa California
From Wikipedia, the free encyclopedia
La península de Baxa California ta alcontrada al noroeste de Méxicu. Enfusa nel océanu Pacíficu, formando'l golfu de California ente la so mariña oriental y les mariñes de Sonora y Sinaloa. Tien un llargor averáu de 1250 km y entiende los estaos mexicanos de Baxa California y Baxa California Sur.[1] Empecipia na frontera de Méxicu con Estaos Xuníos y termina nun cabu con enormes formaciones predreses, ente les que s'atopa'l llamáu Arcu Monumental.
Península de Baxa California | |
---|---|
Situación | |
Tipu | península |
Asitiáu en | Océanu Pacíficu |
Coordenaes | 28°00′N 113°30′W |
Datos | |
Altitú media | 186 m |
Superficie | 55 360 mi² |
La península de Baxa California tien un gran desenvolvimientu y potencial turísticu, por cuenta de que les sos sableres espierten l'interés de los residentes de la mesma, de diverses partes de Méxicu y de los visitantes de los estaos de California, Arizona y Nevada, d'onde provién un importante y constante fluxu turístico en busca de les agües más templaes del océanu Pacíficu y del mar de Cortés, que son templaes tol añu, polo cual puede esfrutase de gran variedá de temperatures, tipos de sableres, especies marítimes de pesca deportiva, según sierres, parques nacionales, grandes desiertos con vexetación y especies zoolóxiques reinales y úniques, polo que menudean los abellugos protexíos pa la fauna y la flora, tantu nel océanu y el golfu como nes islles y nel macizu peninsular. Cabo dicir qu'a munchos d'estos puntos contrastantes puede llegase en poco tiempu y con comodidá, por cuenta de la forma espodada de la península y a la creciente infraestructura aeroportuaria, carretera, turística y ecolóxica.