Países nórdicos
From Wikipedia, the free encyclopedia
Los países nórdicos son una rexón xeográfico y cultural qu'entiende cinco Estaos d'Europa septentrional: Dinamarca, Finlandia, Islandia, Noruega y Suecia. Amás, inclúyense tamién les rexones autónomes d'Islles Feroe, Groenlandia y Åland. Los países nórdicos tienen enforma de mancomún tocantes a forma de vida, hestoria, idioma y estructura social. Tradicionalmente, los Estaos bálticos d'Estonia y Letonia yeren tamién incluyíos nesti grupu polos sos llazos históricos y culturales con estos países, pero por cuenta de les socesives ocupaciones ruses —la postrera d'elles terminó en 1990— anguaño nun se-yos considera parte d'esti grupu.
Países nórdicos | |
---|---|
Situación | |
Tipu | entidá territorial alministrativa de más d'un país |
Coordenaes | 64°N 10°E |
Datos | |
Superficie | 3 425 804 km² |
Población | 27 800 000[1] |
Web oficial | |
A pesar de los sos casi 3,5 millones de quilómetros cuadraos de superficie, más de la metá del so territoriu ye inhabitable y ta formáu por capes de xelu y iceberes —sobremanera en Groenlandia—. En marzu de 2014, la so población conxunta yera de daqué más de 26 millones d'habitantes.[2] Los países nórdicos llogren los primeros puestos nuna gran cantidá d'indicadores mundiales, incluyendo
educación, economía, competitividá, derechos civiles, calidá de vida y desenvolvimientu humanu.[2]
La mayor parte de la población de Finlandia tien un orixe étnicu distintu al de los suecos, noruegos y daneses, amás d'un idioma —el finés— perteneciente a una familia llingüística dafechu distinta. A pesar d'esto, l'estatus del suecu como segundu idioma oficial y los estrechos venceyos históricos y culturales daos por 550 años de dominación sueca lleven a que-y la considere parte del conxuntu.
Los cinco países nórdicos y los trés dependencies con un estatus especial conformen el Conseyu Nórdicu, una organización interparlamentaria de cooperación.